Prezident Administrasiyasının ictimai-siyasi məsələlər şöbəsinin sabiq müdiri Əli Həsənovun oğlu Şamxal Həsənlinin Gürcüstan paytaxtındakı biznes fəaliyyəti ilə bağlı bəzi ipucları əldə etmək mümkün olub. JAMAZ.İNFO xəbər verir ki, həmin ipuclarını tanınmış araşdırmaçı jurnalist Cavanşir Həsənli tapıb.
O araşdırma zamanı bəzi sənədlər əldə etməyi bacarıb. Və həmin sənədlərdən məlum olub ki, Həsənovlar ailəsinə məxsus DULCE NUTRİTİON LLC 2017-ci ilin oktyabrında Tiflisin İsani rayonunda Tedzami küçəsi 5 ünvanında hüquqi qeydiyyata alınıb. “Şirkətin direktoru Sənan Abdullayev adlı şəxsdir. Onun 100 faiz pay hüququ Şamxal Həsənliyə məxsusdur. Şirkətin hansı profil üzrə fəaliyyət göstərdiyi məlum deyil”.
Həsənli qeyd edir ki, Sənan Abdullayevin adı Gürcüstanın İctimai Qeydiyyat üzrə Milli Agentliyində qeydiyyata alınmış “Caspian Inspection Company” Ltd (შ.პ.ს. “კასპიის საინსპექციო კომპანია”), Village Group Ltd. (შპს სოფ ჯგუფი), Megobari Ltd (შპს მეგობარი – Dost Ltd.), B.h.e. Co. Ltd (შპს B.H.E. Co.) və Pompa+ Ltd (შპს პომპა+) şirkətlərinin təsisçiləri sırasında da keçir.
