Türkiyə Prezidenti Rəcəb Tayyib Ərdoğan haqlıdır ki, İkinci Dünya müharibəsindən sonra müəyyən güc balansı var idi, indi isə o dəyişir.
Transqafqaz.com xəbər verir ki, bu sözləri Rusiya Prezidenti Vladimir Putin “Valday” klubunda çıxışı zamanı deyib.
“Bu təşkilatı (BMT – red.) daha balanslı etməyi düşünməliyik. Doğrudan da belədir. Ərdoğan da bu məsələdə haqlıdır ki, BMT TŞ İkinci Dünya müharibəsindən sonra yaranıb və müəyyən güc balansı var idi və indi bu balans dəyişir. Artıq dəyişib”, – deyə Kreml rəhbəri bildirib.
Qeyd edək ki, Türkiyə lideri Ərdoğan BMT TŞ-nin veto hüququ olan üzvlərinin sayının artırılmalı olduğunu bildirib.