ABŞ alimləri bitkilərin böyümə prosesində müxtəlif səslər çıxardığını aşkarlayıb.
Moderator.az xarici elmi-kütləvi portallara istinadən xəbər verir ki, araşdırmalara görə, hətta bəzi bitkilərdə əzələ tutulmasına belə rast gəlinir. New York Universitetindən bir qrup tədqiqatçının apardığı tədqiqatın maraqlı nəticələri üzə çıxıb.
Alimlər araşdırmalara başlayan zaman, əslində fərqli nəticənin alınacağına ümid edirdilər. Onlar sərt küləklərin əsdiyi zaman dənli bitkilərdə itkilərin azalmasını təmin etmək üçün başladıqları araşdırmalarda gözlənilmədən elm dünyasını silkələyəcək kəşfə imza atıblar.
Qrupun rəhbəri Duqlas Kuk apardığı araşdırmaların n əticəsi barədə bunları deyib:
“Bir bitkinin böyümə müddətində, milyonlarla qırılma meydana gəlir. Bitkilər qırılan yerlərdən özü-özünü təmir edir və böyümə prosesi bu minvalla davam edir. Həmçinin daxili qırılmalar bitkilərin sərtləşib-möhkəmlənməsini təmin edir.
Lakin bu da son deyil. Araşdırmaların ən pik nöqtəsi isə, qırılma zamanı bitkinin malik olduğu enerji dalğalarının çıxardığı səsdir. Bitkilərdəki enerji dalğalarının çıxardıqları səs yalnız “kontakt mikrofon” adlanan, yüksək həssaslığa malik xüsusi cihazlarla eşidilə bilər.