Kabildə silsilə partlayışların qurbanlarının sayı 100 nəfəri keçdi.
Wall Street Journal qəzetinin yazdığına görə, hücumlar nəticəsində ən az 90 Əfqanıstan vətəndaşı həyatını itirib. Pentaqondan bildirildiyi kimi, 13 ABŞ Ordusu əsgəri aldığı yaralardan həyatını itirmişdir. “Transqafqaz.com” xəbər verir ki, 150 -dən çox adam yaralanıb.
Xatırladaq ki, Əfqanıstanın paytaxtı hava limanı yaxınlığında iki güclü partlayış baş verib. Hava limanı ərazisində ölkəni tərk etmək istəyən çoxlu vətəndaş var idi. Bombalardan biri intiharçı tərəfindən partladılıb. Hücuma görə məsuliyyəti İŞİD-in nəzarətində olan bir təşkilatın yaraqlıları öz üzərinə götürüb.
ABŞ Prezidenti Co Bayden müraciətində hücumda günahkar olanların tapılaraq cəzalandırılacağını söylədi. Ağ Ev rəhbəri “Vilayəti Xorasan” terror qruplaşmasının yaraqlılarının mövqelərinə zərbələr endirmək üçün planlar hazırlamağı tapşırıb.
Co Bayden, Amerika Birləşmiş Ştatlarının Prezidenti:
– Biz sizi ovlayacağıq və etdiklərinizin bədəlini ödəyəcəksiniz. İŞİD-dən olan bu terrorçular bizi məğlub etməyəcək. Amerikalıları xilas edəcəyik. Əfqan müttəfiqlərimizi çıxaracağıq və missiyamız davam edəcək.
Almaniya vətəndaşların təxliyəsini tamamladı
Əfqanıstandan təxliyə edilən vətəndaşları olan son təyyarə Almaniyaya endi. Beləliklə, Alman ordusu Kabildəki missiyasını tamamladı, bu da ölkədən 5 mindən çox adamın çıxarılmasını mümkün etdi.
O cümlədən Hollandiya, Belçika, Danimarka, Polşa və Macarıstanda missiyalarının tamamladıqlarını bildirdilər.
Transqafqaz.com