İran Baş Qərargah rəisi Məhəmməd Bağıri bildirib ki, İran və Rusiya hərbi əməkdaşlığı, silah alışı və terrorla mübarizəni əhatə edən bir müqavilə bağlamağı planlaşdırır.
“Bu sənəd hazırlıq mərhələsindədir. Ölkələrimizin liderləri bu sənədin hazırlanmasında tam qarşılıqlı anlayışa malikdirlər. Ölkələrimizin müvafiq departamentləri artıq bu işə qoşulublar və inşallah bu sənədin hazırlanmasını tezliklə başa çatdıracağıq”-deyə Rusiya-24 telekanalına müsahibəsində bildirib.
Bağıri: “Orada silah alışı və mütəxəssislərin hazırlanması, təlimlərin keçirilməsi və Qərbi Asiyada terrorizmə qarşı mübarizə də daxil olmaqla hərbi sahədə əməkdaşlıq və təhlükəsizlik sahəsində əməkdaşlıq haqqında müddəalar yer alacaq. Şübhəsiz ki, bu sənəd silahlı qüvvələrimiz arasında geniş əməkdaşlıq üfüqü açacaq” dedi.
Bağıri, İranın hələ də Rusiya ilə hərbi blok yaratmağa hazır olmadığını, lakin gələcəkdə belə bir ehtimalını istisna etmədiyini də bildirib.
“Əlbəttə ki, biz hərbi əməkdaşlığı inkişaf etdirəcəyik və gələcəkdə buna gələ bilərik, amma indiyə qədər münasibətlərimiz hələ belə bir mərhələyə çatmayıb” dedi.
Transqafqaz.com