![](https://transqafqaz.com/wp-content/uploads/2023/11/img_20231109_164848_7465662596262691312556-1024x576.jpg)
Amerika əsgərlərinə 40 hücum
Qəzza zolağında gedən müharibə fonunda Yaxın Şərqdə gərginlik artır.
Oktyabrın 17-dən bəri ABŞ-ın Suriya və İraqdakı hərbi bazalarına ən azı 40 hücum edilib, nəticədə 45 hərbçi müxtəlif dərəcəli xəsarət alıb.
ABŞ son hücumlarda İranın dəstəklədiyi silahlı qrupları günahlandırır.
Pentaqonun yüksək rütbəli rəsmisi deyib: “Biz İranın konkret addım atmasını və hərbiləşdirilmiş və müvəkkil qüvvələrinə geri çəkilməyi əmr etməsini istəyirik”.
Müharibənin başlanmasından bəri ABŞ regionda toplanmasının bir hissəsi olaraq iki aviadaşıyıcı hücum qrupu, Ohayo sinifli nüvə sualtı qayığı və F-16 qırıcı-bombardmançılarından ibarət eskadrilya ilə Şərqi Aralıq dənizinə minlərlə hərbçi yerləşdirib.
Ömər Məmmədli