VAŞİNQTON/ 04/03/2022
Tərəflər Ukraynaya dəstək üçün birgə hərəkətlərin detallarını müzakirə edəcəklər
ABŞ dövlət katibinin köməkçisi Vendi Şerman martın 4-dən 11-dək Türkiyə, İspaniya, Mərakeş, Əlcəzair və Misirə səfər edəcək.
Açıqlamada deyilir: Dövlət katibinin köməkçisinin 4-5 mart 2022-ci il tarixlərində Türkiyə Xarici İşlər nazirinin müavini Sedat Ünal, Türkiyə hökumətinin İstanbul və Ankaradakı nümayəndələri ilə görüşü planlaşdırılır. Görüşlərdə Putinin Ukraynaya qarşı əsassız təcavüzü, ABŞ və Türkiyə arasında ikitərəfli münasibətlər, Ukraynaya dəstək üçün birgə tədbirlərin təfərrüatları müzakirə olunacaq.
ABŞ Xarici İşlər Nazirliyi xəbər verir ki, Şerman İstanbul və Ankaradan sonra Madrid, Rabat, Kasablanka, Əlcəzair və Qahirəyə gedəcək.
Transqafqaz.com