VAŞİNQTON. 10.02.2022
26 avqust 2021-ci ildə Kabil hava limanında törədilən qanlı hücumun arxasında İŞİD – Xorasan terror qruplaşması dayanır.
ABŞ Dövlət Departamenti Əfqanıstanda fəaliyyət göstərən İŞİD -Xorasan terror təşkilatının lideri Şahab əl-Mühacir kimi tanınan Sənaullah Qafari haqqında məlumat üçün 10 milyon dollar ödəyəcək.
Birləşmiş Ştatlar 2021-ci il avqustun 26-da Həmid Kərzai Beynəlxalq Hava Limanında törədilən qanlı hücumun təşkilatçılarının həbsinə səbəb olan şəxsiyyət və ya yeri müəyyən etməyə kömək edəcək istənilən məlumata görə mükafat təklif edir.
Terrorçular haqqında məlumat verən şəxslər üçün vəsait ABŞ Dövlət Departamentinin Ədalət üçün Mükafat proqramı və ya RFJ vasitəsilə təmin ediləcək.
Xəbərdə İŞİD-in 2020-ci ilin iyununda Qafarini İŞİD-Xorasan terror təşkilatının lideri elan etdiyi xatırladılır.
Keçən avqustda 13 ABŞ hərbçisi və ən azı 170 əfqan keçən avqust ayında Kabil hava limanında İŞİD tərəfindən öldürülüb.
Partlayış avqustun 26-da ABŞ ordusunun Əfqanıstandan təşkil etdiyi təcili təxliyə zamanı baş verib.
150-dən çox adam, o cümlədən 18 amerikalı hərbçi yaralanıb.
29 sentyabr 2015-ci ildə ABŞ səlahiyyətliləri İŞİD-Xorasanı terror təşkilatlarının qlobal siyahısına daxil edib.
Transqafqaz.com