7 may 2020-ci il tarixində Azərbaycan Dövlət Pedagoji Universiteti Tarix-Coğrafiya fakültəsinin Azərbaycan tarixi kafedrasının və Azərbaycan Respublikasının Diasporla İş üzrə Dövlət Komitəsinin birgə təşkilatçılığı ilə “Beyin qazanma proqramı” çərçivəsində “Azərbaycan torpaqlarının Ermənistan tərəfindən işğalı və Xocalı Soyqırımının tanınmasında Diasporanın rolu” adlı elmi – praktiki videokonfransı keçirilmişdir.
Video-konfransda Türkiyə – Azərbaycan Dostluq, Əməkdaşlıq və Həmrəylik Fondunun sədri, professor Aygün Attarın mühazirəsi dinlənilmiş və mövzu ilə bağlı ADPU-nun Tarix və coğrafiya fakültəsinin Azərbaycan tarixi kafedrasının professor-müəllim heyətindən kafedra müdiri dos. Naibə Əhmədovanın, prof. Xəqani Məmmədovun, dos. Mübariz Ağalarovun, t.ü.f.d. Habil Həsənovun, dos. Zakir Kərimovun, həmçinin fakültə tələbələrinin müzakirələri ilə konfrans öz işini davam etdirmişdir.
Video-konfransın sonunda Azərbaycan Respublikasının Diasporla İş üzrə Dövlət Komitəsi nümayəndələrinin, eləcə də Türkiyə – Azərbaycan Dostluq, Əməkdaşlıq və Həmrəylik Fondunun sədri, prof. Aygün Attarın ADPU ilə gələcəkdə elmi əməkdaşlığına dair bir sıra təklifləri irəli sürülmüşdür.
Transqafqaz.com
Toğrul Lətifoğlu