🇹🇷 Dünya Bankı Türkiyəyə 35 milyard dollar ayıracaq
Dünya Bankı (DB) ortamüddətli iqtisadi proqramını həyata keçirmək üçün Türkiyəyə 35 milyard dollarlıq yardım paketi verməyi planlaşdırır. Bu barədə Respublika Maliyyə Nazirliyinin rəhbəri Mehmet Şimşək NTV telekanalının efirində bildirib.
“Mərkəzi Bankımızın rəhbəri ilə Dünya Bankının prezidenti ilə uzunmüddətli görüşümüz oldu. Proqramımız haqqında danışdıq. Dünya Bankı dedi ki, bizim maliyyə dəstəyi üçün nəzərdə tutulan 17 milyard dollardan əlavə, daha 18 milyard dollar ayıracaqlar. Ümumilikdə Türkiyəyə Dünya Bankından 35 milyard dollar məbləğində yardım paketi veriləcək”.
Türkiyə hakimiyyəti ötən həftə üç il üçün nəzərdə tutulmuş və ölkə iqtisadiyyatındakı böhranı düzəltməyə yönəlmiş əhatəli proqram təqdim etdi.
Şimşək qeyd edib ki, Ankaranın ortamüddətli proqramının əsas komponentlərindən biri inflyasiya ilə effektiv mübarizədir.
“Proqram inflyasiyanı ağlabatan səviyyəyə, birrəqəmli rəqəmə qaytaracaq. Bu, ən mühüm məqsəddir – üç il ərzində inflyasiyanı birrəqəmli rəqəmlərə endirməkdir. Çətindir, amma mümkündür”, – o deyib.
