Noyabrın 8-də Azərbaycanın Qələbə Günü və İkinci Qarabağ Müharibəsində Ermənistanın təslim olması ilə bağlı müxalifət, erməni radikalları və qisasçı qüvvələri İrəvanda Azadlıq meydanında geniş mitinq keçirməyi planlaşdırır.
Mütəşəkkil təxribatlarla müşayiət olunan hadisələr dövlət çevrilişinə cəhdə və hazırkı baş nazir Nikol Paşinyanın hakimiyyətdən zorla uzaqlaşdırılmasına çevrilə bilər. Bu barədə kifayət qədər məlumatlı şəxs, “Nasionalnaya Oborona” jurnalının baş redaktoru İqor Korotçenko xəbərdarlıq edib.
O deyib ki, əldə olan məlumatlar belə qənaətə gəlməyə imkan verir ki, bu gün bir sıra xarici diasporları təmsil edən erməni silahlıları Yerevanın mərkəzinə yerləşdirilə və siyasi terrora cəlb oluna bilər. “Onlar bir neçə gündür ki, Ermənistanın paytaxtına gəlirlər və “X” saatında istifadə olunmaq üçün orada toplanmaqdadırlar”.
Korotçenko hesab edir ki, indiki hakimiyyət “potensial fəlakətin miqyasını” artıq dərk edib. “Son günlər Paşinyanın şəxsi təhlükəsizliyi ciddi şəkildə gücləndirilib. Hadisələrin kritik inkişafı halında onun daimi yaşayış yerlərindən İrəvan və onun ətrafında xüsusi hazırlanmış sığınacaqlara (bunkerə) köçürülməsi üçün müxtəlif variantlar nəzərdə tutulur”.
Onun sözlərinə görə, əvvəllər də təcrübədə olduğu kimi, lazım gələrsə, baş nazir Paşinyanı Ermənistan Müdafiə Nazirliyi yerləşdiyi binanın altındakı yeraltı bunkerdə qəbul etməyə hazırdır.
Korotçenko yazır ki, Ermənistan Milli Təhlükəsizlik Xidməti (MTX) bir sıra müxalifətçi və ekstremist təfəkkürlü şəxslərə, habelə Paşinyan və onun ailə üzvlərinə qarşı təhdidlər səsləndirən vətəndaşlara qarşı sanksiyalaşdırılmış əməliyyat-texniki tədbirləri gecə-gündüz həyata keçirməkdədir. “Ermənistan MTN-nin konstitusiya quruluşunun qorunması və terrorizmlə mübarizəyə cavabdeh olan ixtisaslaşmış strukturları müxalifətlə bağlı əməliyyat və kəşfiyyat işlərini gücləndirib. Keçirilmiş əməliyyat tədbirləri nəticəsində etiraz aksiyası liderlərinin yaxın ətrafına əvvəllər daxil edilmiş agentlər aktivləşdirilib”.
Hərbi ekspert əlindəki məlumatlara əsasən vurğulayıb ki, İrəvanda keçirilməsi planlaşdırılan mitinq zamanı “nümayişçilər” adı altında nümayişçilərin izdihamında Milli Təhlükəsizlik Xidmətinin əməliyyat-axtarış bölmələrinin əməkdaşları gizli video və audio çəkiliş vasitələri ilə işləyəcəklər. “Eyni zamanda, baş verənləri önləmək üçün eyni vəzifə MTX-nin məxfi xidmətinə də tapşırılıb. Bu qurum da noyabrın 8-də Azadlıq meydanına “çıxarılacaq”.
Korotçenko sonda qeyd edir ki, Paşinyan istəsə də, istəməsə də Ermənistan əhalisinin əksəriyyətinin dəstəklədiyi Ermənistanın seçilmiş legitim lideridir. “Etirazçıların istənilən zorakılıq cəhdi Ermənistan Konstitusiyasının pozulması demək olacaq və beynəlxalq ictimaiyyət tərəfindən birmənalı şəkildə pislənəcək”.
Transqafqaz.com