İrəvan Türk Cümhuriyyəti xarici ölkə şəhərlərində təmsilçilərini təyin etdi Avqustun 15-də İrəvan Türk Cümhuriyyətinin Məşvərət Məclisinin növbəti ənənəvi toplantısı keçirilmişdir. Məşvərət məclisi cümhuriyyətin gələcək fəaliyyətinə istiqamətlənən təkliflərin, məsləhətlərin, önərilən verildiyi düşüncə mərkəzi kimi artıq iki aydan çoxdur ki, fəaliyyət göstərir. Burada səslənən fikir və tövssiyyələr Millət Şurasının aldığı qərarlarda öz əksini tapır. Məşvərət şurasının başkanı Mülazim Paşa sədrliyində keçirilən toplantıda dünyanın müxtəlif ölkələrinə Məşvərət Şurası təmsilçiləri elan olunmuşdur Ukrayna- Kiyev Fərhad Turanlı , Almaniya- Köln Anar Ələkbərov , Niderland-Haaqa İlhan Aşkın, Niderland- Amsterdam – Eldəniz Məmmədov, Belçika – Brüssel -Ayhan Dəmirçi və Bülent Gürcam, Rusiya- Sankt Peterburq- Samir Məmmədov təqdim edilmişlər. Daha öncələr isə İspaniya- Barselonaya Vahid İmanov , Rusiya- Moskvaya Mustafa Mustafayev və İngiltərə- Londona Ruslan Fərzəliyev atanmışdılar. Dünyanın müxtəlif yerlərindən toplantıya qatılanlar dünyada və regionda o cümlədən İrəvan Türk Cümhuriyyətinin həyatında baş verən mühüm hadisələr barədə Millət Şurasının sədri Qafar Çaxmaqlının məlumatını dinlədilər, geniş müzakirələr əsnasında İrəvan Türk Cümhuriyyətinin bundan sonrakı fəaliyyətinin istiqamətləri barədə ortaq bir fikrə gəlindi.
İrəvan Türk Cümhuriyyətinin Mətbuat Xidməti
Transqafqaz.com
Toğrul Lətifoğlu