“Balatarin” saytı yazır ki, İranda keçiriləcək prezident seçkilərində namizədlərdən biri Təbrizdən ardıcıl 5 çağırış ölkə parlamentinə seçilən millət vəkili Məsud Pezeşkiandır. O, türklərə verdiyi dəstəyə, Azərbaycan dilinin və yerli problemlərin müdafiəsində tutduğu mövqeyə görə türklər arasında xüsusi populyarlıq qazanıb.
Bir çox iranlılar ümidsizliyə və hakimiyyətə inamsızlığına görə seçkilərdə səs vermək istəmirlər. Xüsusən kütləvi etirazlar və repressiyalardan sonra, çoxlarının seçki yolu ilə dəyişikliyə artıq inamı qalmayıb.
Ancaq, güneyli millət vəkilinin səlahiyyətinin təsdiqlənməsi azərbaycanlıları ümidləndirib və onları seçkilərdə səs verməyə sövq edir.