Ermənistanda ləğv edilmiş separatçıların sayı açıqlanıb
Sentyabrın 19-20-də keçirilən antiterror tədbirləri zamanı Azərbaycan Silahlı Qüvvələri tərəfindən “Qarabağın Müdafiə Ordusu”nun 223 əsgəri məhv edilib, 244-ü isə yaralanıb. Bunu Ermənistanın İstintaq Komitəsinin sədri Arqişti Kyaramyan ölkənin İctimai Televiziyasına müsahibəsində deyib.
O, həmçinin əlavə edib ki, sentyabrın 25-də Xankəndi yaxınlığındakı yanacaq anbarında baş vermiş partlayış nəticəsində 218 nəfər həlak olub, daha 21 nəfər itkin düşmüş hesab olunur.
