Amerikanın Ohayo sinifli nüvə sualtı qayığı Yaxın Şərqdəki ABŞ Mərkəzi Komandanlığının (CENTCOM) məsuliyyət zonasına gəlib.
CENTCOM Yaxın Şərq, Şərqi Afrika və Mərkəzi Asiya regionlarında hərbi əməliyyatların baş verəcəyi təqdirdə əməliyyatların planlaşdırılmasına və Amerika qüvvələrinin istiqamətləndirilməsinə cavabdehdir.
Dünən ABŞ-ın Yaxın Şərqdəki Mərkəzi Komandanlığının məsuliyyət zonasına gələn Amerikanın Ohayo sinifli nüvə sualtı qayığı 154 ədəd Tomahawk qanadlı raketi daşıyır. Bu barədə İsrail televiziyasının 12-ci kanalı məlumat yayıb.
Tomahawk strateji və taktiki məqsədlər üçün Amerikanın çoxməqsədli, yüksək dəqiqlikli, uzaq mənzilli, səsdən aşağı qanadlı raketidir. Ərazidən keçərkən çox aşağı hündürlüklərdə uçur. O, ABŞ Hərbi Dəniz Qüvvələrinin gəmiləri və sualtı qayıqları ilə xidmətdədir və Birləşmiş Ştatların iştirak etdiyi bütün mühüm hərbi münaqişələrdə istifadə olunub.
Məmmədli Ömər