“Soyuq qəbul.” Ərdoğan rəsmi səfərlə Berlinə gəlib
Bu, Türkiyə prezidentinin son üç ildə Almaniyaya ilk səfəridir. Rəcəb Tayyib Ərdoğan Bellevue Prezident sarayında Frank-Valter Ştaynmayer, həmçinin Federal Kansler Aparatında Olaf Şolz ilə görüşüb.
Almaniya hakimiyyəti səfəri Qəzza zolağında müharibə fonunda münaqişəli insidentlərə gətirib çıxarmamaq üçün əvvəlcədən təşkil edib. Ərdoğanın tərəfdarları ilə, məsciddə və ya Fələstin tərəfdarı nümayişdə danışması planlaşdırılmır. Türkiyə prezidentinin təhlükəsizliyini 1500-ə yaxın hüquq-mühafizə orqanı əməkdaşı təmin edir. Berlinin mərkəzində Almaniya prezidentinin və kanslerinin iqamətgahları, həmçinin Türkiyə səfirliyinin ətrafı mühasirəyə alınıb.
BILD-in köşə yazarı Anjelika Hellemann yazdığı kimi, Ərdoğan Berlində “soyuq qəbul” aldı: Ştaynmayerlə görüşəndə heç bir qucaqlaşma və ya xoş söz mübadiləsi olmadı, hər iki siyasətçi ciddi görünürdü. Ərdoğan qonaqlar kitabını imzalayıb, daha sonra bağlı qapılar arxasında danışıqlar başlayıb.
Transqafqaz
Analitik web sayt