Qarabağdakı Rusiya sülhməramlı qüvvələrinin yeni komandanı yenidən dəyişdirilib.
Transqafqaz.com-un məlumatına görə, xəbəri erməni mənbələri yayıb.
Rusiya “sülhməramlı”larına yaxın dairələrə istinadən yayılan xəbərdə bir müddət öncə bu vəzifəyə gətirilən Mixail Kosobokovun general-leytenant Gennadi Anaşkinlə əvəz ediləcəyi bildirilir.
Anaşkinin yüksək təcrübəli hərbçi, Rusiya Milli Qəhrəmanı olduğu qeyd olunur.
Kimdir?
Rus “sülhməramlı”larının yeni komandiri Gennadi Vladimiroviç Anaşkin 1968 -ci ildə Kuibışev (Samara) şəhərində anadan olub. İlk hərbi xidmətini Almaniyada keçirib
Keçmiş Yuqoslaviyada, həmçinin Bosniya və Herseqovinadakı sülhməramlı qüvvələrin tərkibində bir hava taboruna komandanlıq edib,
Birinci və İkinci Çeçen müharibələrində və 2008 -ci ildə Cənubi Osetiyada hərbi əməliyyatlarda iştirak edib.