APA-nın RİA Novosti agentliyinə istinadən verdiyi xəbərə görə, bunu ABŞ-ın dövlət katibi Reks Tillerson bəyan edib.

Onun sözlərinə görə, Birgə Hərtərəfli Fəaliyyət Planı İranı nüvə statusundan məhrum etməyib: “Bu, onların nüvə dövləti olmaq məqsədini yalnız təxirə salıb”.

R.Tillerson həmçinin İrana qarşı “strateji dözüm” siyasətini də uğursuz adlandırıb.  “Bu ölkədən gələn təhdidlərə cavab vermək lazımdır”, deyə R.Tillerson vurğulayıb.

Qeyd edək ki, İranın nüvə proqramı üzrə Birgə Hərtərəfli Fəaliyyət Planı (BHFP) 2015-ci ilin iyul ayında İran və “altılıq ölkələri” – Almaniya, Böyük Britaniya, Fransa, Çin, Rusiya və ABŞ arasında qəbul edilib. İyulun 20-də plan BMT Təhlükəsizlik Şurası tərəfindən təsdiq edilib. Qəbul edilmiş qətnamə İranın nüvə proqramı ilə bağlı sanksiyaların aradan qaldırılmasını nəzərdə tutur.

P.S.ABŞ Prezidenti Tramp İranla bağlı narahatlıqlara cavab olaraq 3 ay müddətinə /İrana dair yeni proqram istəyib. Obamanın vaxtılə kimyəvi müqavilə ilə əlaqədar İrana sanksiya və embarqo tətbiq etmək istəyi yenidən Prezident Tramp tərəfindən gündəmə gətirilib. Tramp, bu embarqoların ABŞ-a verəcəyi zərərlərini müəyyən edilməsi üçün hesabat istəyib. Hesabat 3 ay ərzində hazırlanacaq. Milli Təhlükəsizlik Şurası rəhbərliyi altında müvafiq qurumların töhfə verəcəyi bir hesabat hazırlanacağını ifadə edən Spicer, “Prezident, Milli Təhlükəsizlik Şurasına, İranla nüvə müqaviləsi çərçivəsində əldə olunan sanksiyaların dayandırılmasının, ABŞ-ın milli təhlükəsizliyi baxımından həyatı olub olmadığının araşdırılması ilə əlaqədaryeni təlimat verilib”.