Suriyanın İdlib bölgəsindən gələn şəhid xəbərləri Türkiyədə narahatlıq yaradıb.
Qeyd edək ki, Bəşər Əsədə tabe olan qüvvələrin hücumu nəticəsində 5 türk hərbçisi şəhid olub.
Turkustan.info xəbər verir ki, İdlibdəki gərginlik Türkiyə parlamentində müzkairə olunub. Milliyyətçi Hərəkat Partiyasının (MHP) Türkiyə Böyük Millət Məclisindəki üzvləri qarşısında çıxış edən Dövlət Bahçeli Rusiyanı və Əsəd rejimini sərt tənqid edib. “Qatil Əsəd hakimiyyətdən getməyincə ürəyimiz rahatlıq tapmayacaq. O, taxtdan endirilməyinə qədər nə Türkiyəyə, nə Suriyaya dinclik gəlməyəcək”-deyə, Bahçeli bildirib. MHP lideri Türkiyənin çətin seçim qarşısında qaldığını bildirib.
“Türk milləti başqa seçim olmasa Dəməşqə girməli, zalımları yerlə yeksan etməlidir. Suriya yansın, İdlib yıxılsın, Əsəd qəhr olsun”-deyə, Bahçeli vurğulayıb
Transqafqaz.com
Toğrul Lətifoğlu