Türkiyənin milli müdafiə naziri Yaşar Gülər bildirib ki, Türkiyə Silahlı Qüvvələri İraq və Suriyada terrorçu qruplara qarşı əməliyyatlar keçirməyə “hər zaman hazırdır”.
“Məqsədimiz Suriyada BMT Təhlükəsizlik Şurasının 2254 saylı qətnaməsi əsasında siyasi həllə nail olmaqdır. Biz bütün suriyalıları əhatə edən konstitusiyanın qəbulu, azad seçkilərin keçirilməsi, hərtərəfli normallaşma və təhlükəsizliyin təmin edilməsi üçün hər cür dəstəyi verməyə hazırıq.
Yalnız bütün bu məqamlar həyata keçirildikdən, sərhədlərimizin təhlükəsizliyi tam təmin edildikdən sonra biz qoşunların çıxarılması imkanlarını nəzərdən keçirə biləcəyik. Əslində bölgədəki problemlər Suriya hökumətinin hərəkətsizliyi ucbatından yaranıb. Onların problemlərini özləri həll etmək imkanı olsaydı, vəziyyət bu həddə çatmazdı”, – deyə nazir bildirib.