AA müxbirinin diplomatik mənbələrdən əldə etdiyi məlumata görə, Türkiyə-Qətər nümayəndə heyəti Əfqanıstan tərəfi ilə Həmid Karzai hava limanı və ölkədəki digər dörd hava limanının idarə olunması ilə bağlı ilkin razılığa gəlib.
Türkiyə və Qətər Kabildəki Həmid Kərzai Beynəlxalq Hava Limanının və Əfqanıstandakı digər dörd hava limanının idarə olunması ilə bağlı Taliban administrasiyası ilə prinsipial razılıq əldə edib.
Bu barədə “Anadolu” agentliyinin müxbirinə diplomatik mənbələrdən məlumat verilib.
Qeyd edildiyi kimi, hava limanının fəaliyyəti ilə bağlı “məhsuldar danışıqlar” zamanı tərəflər təfərrüatların işlənib hazırlanması və yaxın günlərdə texniki komitələr səviyyəsində məsləhətləşmələrin davam etdirilməsi üçün ümumi texniki qrupların yaradılması ilə bağlı konsensus əldə ediblər.
Türkiyə-Qətər heyəti Kabildən Dohaya yola düşəcək və orada birgə işlərinə davam edəcəklər.
Həmid Kərzai adına Kabil Beynəlxalq Hava Limanı strateji əhəmiyyətə malikdir və Əfqanıstanın xarici dünyaya əsas hava qapısı hesab olunur.
Avqustun ortalarında Taliban Əfqanıstanda hakimiyyətə gəldikdən sonra Həmid Kərzai hava limanı müharibədən qaçan minlərlə əfqanın ölkəni tərk edə biləcəyi yeganə yerə çevrilib.