Müharibə başlayandan bəri Rusiya və Ukraynanın ümumi itkiləri, ABŞ hesablamalarına görə, 500 min nəfərə çata bilər, – New York Times
Qəzet ABŞ rəsmi strukturlarındakı anonim həmsöhbətlərə istinad edərək yazır ki, Rusiyanın ümumi itkiləri, onların hesablamalarına görə, 300 minə yaxınlaşır: 120 min ölü, 170-180 min yaralı var.
Ukrayna, bu hesablamalara görə, 70 minə qədər əsgər itirib və 100-120 minə qədər yaralanıb.
“New York Times”ın həmsöhbətləri xatırladırlar ki, bu müharibədə tərəflərin itkilərini saymaq kifayət qədər çətindir və bu hesablamalar qeyri-dəqiq ola bilər. Moskva öz itkiləri ilə bağlı açıq-aydın qiymətləndirilməmiş rəqəmlər verir, Kiyev isə müharibənin əvvəlində itkilər haqqında məlumatların yalnız onun bitməsindən sonra dərc olunacağını rəsmən elan edərək, özünün heç bir məlumatını dərc etmir.
Məmmədli Ömər