Türkiyənin Baş qərargah rəisi general Hulusi Akar, Milli İstihbarat Təşkilatının (MİT) müşaviri Hakan Fidan və Prezidentin sözçüsü İbrahim Kalından ibarət heyətin dünən Ağ evdə mühüm görüş keçirdiyi açıqlanıb.
Enter.News xəbər verir ki, ABŞ prezidenti Donald Trampın Milli Təhlükəsizlik müşaviri general-leytenant Herbert Raymond McMasterin başçılıq etdiyi ABŞ heyətiylə görüşdə Suriya və İraqdakı hadisələr, terrorla mübarizə, ikitərəfli əlaqələr və digər təhlükəsizlik məsələlərinin müzakirə edildiyi bildirilib.
Görüş haqqında Anadolu agentliyinə məlumat verən general Akar müzakirələrin məhsuldar keçdiyini və iki ölkə arasındakı münasibətlərə müsbət təsir göstərəcəyini bildirib.
Könül Hacıyeva