STRASBURQ. 25.02.2022
Aİ sanksiyalarının ikinci paketi Rusiyanın bank xidmətləri bazarının 70%-ni və müdafiə şirkətləri də daxil olmaqla əsas dövlət şirkətlərini əhatə edir. TASS xəbər verir ki, bunu cümə günü Avropa Komissiyasının rəhbəri Ursula fon der Leyen Brüsseldə Aİ-nin Ukrayna üzrə fövqəladə sammitindən sonra keçirilən mətbuat konfransında bildirib.
“Bu paketə ilk dəfə olaraq Rusiyanı ən mühüm kapital bazarlarına çıxışdan məhrum edəcək maliyyə sanksiyaları daxildir. İndi biz Rusiya bank bazarının 70%-ni, eləcə də müdafiə şirkətləri də daxil olmaqla əsas dövlət şirkətlərini hədəfləyirik”.
Avropa Komissiyasının rəhbəri Aİ-nin yarımkeçiricilər bazarına çıxışı məhdudlaşdıracağını da açıqlayıb. “Biz Rusiyanın firavan gələcəyin qurulması üçün lazım olan ən mühüm texnologiyalara, o cümlədən qabaqcıl yarımkeçirici texnologiyalara çıxışını məhdudlaşdırırıq” – dedi .
Rusiyanın enerji sektoruna qarşı sanksiyalar çərçivəsində Aİ “neft emalı üçün zəruri olan unikal Avropa texnologiyalarının” ixracını qadağan edəcək. “Bu alətlər unikaldır ki, onlar yalnız Avropada hazırlanır, başqa yerdən əldə edilə bilməz” dedi. Onun sözlərinə görə, Rusiya 2019-cu ildə 24 milyard avro gəlir gətirən neft emalı zavodlarını modernləşdirə bilməyəcək.
Fon der Leyenin elan etdiyi digər tədbirlər arasında “Rusiyadan olan diplomatların və iş adamlarının Aİ-yə imtiyazlı girişdən məhrum edilməsi” də var.