«ABŞ, NATO və Ukrayna Rusiyanı təhdid etmir», ABŞ prezidenti Co Bayden belə deyib.
Onun müraciəti Ağ Ev tərəfindən yayımlanıb.
Onun sözlərinə görə, Rusiya və Ukrayna xalqlarının ümumi tarixi var və onlar “qanlı” müharibəyə başlamamalıdırlar.
“Biz rusları təhdid etmirik və Rusiyada sabitliyin pozulmasını istəmirik. Mən Rusiya vətəndaşlarına müraciət edirəm — siz bizim düşmənimiz deyilsiniz. Mən inanmıram ki, kimsə Ukraynaya qarşı qanlı və dağıdıcı müharibə istəyir”, — Bayden deyib.
O qeyd edib ki, Rusiya Ukrayna ilə sərhədlərdə 150 mindən çox əsgər cəmləyib. ABŞ prezidenti bildirib ki, işğal iki qonşu ölkə arasında sıx əlaqələrə, ortaq mədəniyyət və tarixə baxmayaraq baş verə bilər. Bayden xatırladıb ki, 77 il əvvəl xalqlar «tarixdəki ən pis müharibəni bitirmək» üçün birlikdə vuruşdular.
O, həmçinin bəyan edib ki, ABŞ Ukraynada raketlər yerləşdirməyəcək. O əlavə edib ki, Rusiya qoşunlarının Ukrayna sərhədindən çıxarılması faktı hələlik yoxlanılmayıb.
Daha əvvəl ABŞ prezidenti avropalı tərəfdaşlarına Rusiyanın fevralın 16-da Ukraynaya müdaxilə edə biləcəyini bildirmişdi, — deyə «Politico» yazır. Britaniyanın «The Sun» tabloidi hücumun Moskva vaxtı ilə saat dörddə baş verə biləcəyini qeyd etmişdi. Böyük Britaniyanın xarici işlər naziri Liz Trussa istinadən «The Sun» — a saxta bayraq altında Rusiyanın işğalı haqqında yazmışdı. Rusiya Xarici İşlər Nazirliyinin sözçüsü Mariya Zaxarova isə bu xəbərləri dezinformasiya adlandırıb.
Ötən gün Rusiya prezidenti Vladimir Putin demişdi ki, Rusiya müharibə istəmir. Onun mətbuat katibi Dmitri Peskov Ukraynaya müdaxilənin mediada dərc olunan “təqvimini” “Avropada gərginliyi artırmaq üçün misli görünməmiş kampaniyanın” tərkib hissəsi adlandırıb.
Prezident Vladimir Zelenski Qərb mediasını və siyasətçiləri çaxnaşma yaratmamağa çağırıb, müdafiə naziri Oleksiy Reznikov isə qaçılmaz işğal riskinin olmadığını qeyd edib. Onun sözlərinə görə, Rusiya 119 minlik hərbi kontingentə baxmayaraq, sərhəddə zərbə qrupları yaratmayıb.
Gərginlik fonunda ABŞ, Böyük Britaniya, Polşa və digər ölkələr Ukraynanı silahla təchiz etməyə başladılar. Fevralın 15-də Ukrayna hakimiyyəti fövqəladə vəziyyət zamanı NATO-dan qeyri-hərbi yardım istəyib.
Mənbə: Fedai.az